旅遊攻略 — 台北 （美食篇）
台北有好多特色既餐廳，而且有好多主題cafe! 今年係台北開左一間以農場精靈(醜比頭) 做主題既cafe，吸引左好多粉絲去朝聖咖！就算唔係粉絲，都值得去一暏佢地既風彩！
如果有興趣去朝聖，提提你記住要訂位！因為都真係幾多人！行到cafe既門口，你就會見到好多隻精靈已經係度迎接你！佢地仲要係配合返佢地自己既生態環境而出現，好可愛咖！等位既時候，你可以慢慢同佢地逐隻合照，而且果度仲有部機俾你可以整你自己名既貼紙，中英文名都得，都只係50TWD! 抵啦！另外餐廳入面亦都有商品售賣既區域，好多出面無既產品都有得買咖！如果你時間比較趕，你可以考慮買佢地既蛋糕同cup cake 外賣，都好可愛咖！
至於食物方面，呢間餐廳都好有水準咖！今次我就試左明太子三文魚意粉，同屁桃香濃水蜜桃奶昔。講真我本身對食物都無乜抱太大期望，始終我都係因為醜比頭而黎，但結果我覺得有驚喜喎！個意粉加左明太子之後好香，個意粉既白汁又無搶到明太子既味，我覺得還可以咖！至於個奶昔，其實都幾稠，飲一杯都真係幾飽，不過個水蜜桃味好香，好開胃！不過就略嫌甜左小小，不過都可以接受既！
醜比頭的秘密花園輕食咖啡
台北市大安區忠孝東路四段181巷40弄2號1樓
+886227755161
Search